Heb Di fescht<\/p>\n\n\n\n
Ich weiss nyt, ob dr Gr\u00f6nemeyer hit no lacht, Heb Di fescht Ich weiss nyt, ob dr Gr\u00f6nemeyer hit no lacht, wenn er uf dr Byyhni singt: \u201eKinder an die Macht\u201c. Sy Wunsch isch leider in Erfyllig gange, und Kinder heebe in dr Politig d\u2018Stange. M\u00e4nner mit Falte \u2013 kunnsch druss –l\u00e4be ihr kindlig Gmiet voll uss. Si sin geistig blind wie ne Kind, … <\/p>\n
wenn er uf dr Byyhni singt: \u201eKinder an die Macht\u201c.
Sy Wunsch isch leider in Erfyllig gange,
und Kinder heebe in dr Politig d\u2018Stange.
M\u00e4nner mit Falte \u2013 kunnsch druss –
l\u00e4be ihr kindlig Gmiet voll uss.
Si sin geistig blind wie ne Kind, n\u00e4mme alles perseenlig,
Si sin schnell verstimmt und blyybe unversehnlig:
\u201eWas, Du hesch mi beleidigt!!!!
I mach grad Di Sandburg kaputt,
Riss Dym Ditti alli Hoor uss,
Schiss uf Di Teddyb\u00e4r,
Versuudle Di Moolheft,
Verstegg Dyni Durnschueh,
Schmeiss Dyni Lego in Rhy,
L\u00fcftele Di Velopneu,
Und friss Dyni D\u00e4fi uff.
So, jetz hesch dr Dr\u00e4gg!
W\u00fcsch Du d\u00e4 s\u00e4lber ew\u00e4gg!
Du bisch Schuld, ganz ellai
an d\u00e4re Riise-Sauerei.\u201c<\/em>
Eso spucke die Kindskepf enander in d\u2019Suppe.
D\u2018Regierigs-Gsch\u00e4ft verkemme zue Spiil-Gruppe.
Und wenn die Machthungrige gyrig zem Midaags-Tisch renne,
k\u00f6nnte me d\u2018Regierigssitz au die allertyyrschti Kita nenne.
W\u00e4ge dr neye Computer-Technik isch es leider passiert,
ass me numme no isoliert mit syne Sch\u00e4tzli kommuniziert.
Fridlig l\u00e4bt a jede in synere W\u00e4lt dehai,
Und fyhlt sich ungsteert aber nyt elai.
\u201eFollower\u201c und Frynde h\u00e4n sii jo vyyl,
und die teggschte alli im glyyche Stil.
Si bewege sich mit de Stepsel in de Ohre in dr grosse, wyte Welt,
Und d Auge stiere ufs Handy, wo die gscheiti Usenandersetzig f\u00e4hlt.
Si wysse nyt, w\u00e4nn nyt wysse, sin sowieso gscheiter.
Uf die Art wird die bildigsferni Schicht als wie breiter.
Im Geischt sin die Erwachsene no Kinder blyybe,
Wo still d\u00e4ngge – s isch nyt ybertryybe:
\u201eBin ich emol an dr Macht,
Tramp i alli in a tiefe Schacht.\u201c <\/em>
Was me friehner numme unter Bekannte het verzellt
Schrybt me hyt uf em Smartphon an die ganzi Welt.
Jedes glai \u00c4rgernis wird ufbauscht zem grosse Zorn.
Jede Furz grootet uf Twitter bitter zum \u201eShitstorm\u201c.
Alles, wo dr verletzte Seel nyt ins Weltbild passt,
isch en Uffreeger. Wer doo nit korrekt ufpasst,
macht sich uf de \u201eSocial Media\u201c schnell verhasst.
Wie sinnig isch das Fasnachts-Motto \u201eHeb Di fescht\u201c.
D Blaggede zeigt Fasn\u00e4chtler uf em Trottinett, das isch s bescht.
Das Fahrzyg us vergangener Kinderzyt
Finde au Erwachseni e \u201eMega-Hit\u201c.
E jede wott soone E-Fahrzyg miete,
zum \u00e4ndlig Klimasch\u00e4de verhiete.
Sait dr Minder zum Hasler:
\u201eWer nyt gumpt, d\u00e4 isch kai Basler.\u201c
Sait dr Hasler zum Minder:
\u201eWer nyt lauft, d\u00e4 isch gschwinder.\u201c
Die W\u00e4lt isch mir nimmi gh\u00fc\u00fcr:
\u201eLa vie est dure sans confiture\u201c.
Aber jetz isch au no dr Angge ranzig
uf em trockne Brot im Johr 2020.
<\/p>\n","protected":false},"excerpt":{"rendered":"