Kei Sujet – kei Fasnacht
Au d’Fasnacht 2021 isch abgseit. Das meint dr Zeedelschryber:
D’Frau Fasnacht muess das Johr in Quarantäne.
Si hett zwor Fasnachtsfieber, aber kei Migräne.
Wäge dr Gfohr vom Corona-Virus blibt si dihaim im Bett.
An däre Nit-Fasnacht gitts dr Nit-Zeedel drum numme im Internet.
Das meint der Ladärnemoler
E Lämbbli wäär komplett fir d Figgs
wenn kaine deerf ko schtuune.
Yyschtoo – s wäär e Woort mi Yggs
im Zyygli mit syne scheene Luune.
S wird mr so fescht fääle.
Das seit e Zyrcher in dr Clique
Wäge däm Corona-Blues fallt das Joor d’Fasnacht us.
Söttsch nyt uuse, blybsch dehai,
d’Wält isch trischt, ich mach trotzdäm kai Stai.
Ich freumi aifach uff d’Fasnacht 2022, heerlig und au plastisch,
ich bi mir sicher, die wird phantastisch!